|

|

|

|

|

|

• përmirësoni njohuritë në fushat e ndryshme të menaxhimit bankar dhe financiar?
• nga profesorët më të mirë nga shkollat e biznesit të akredituara ndërkombëtarisht?
• • arrini deri te përparësitë konkurruese duke fituar dituri aktuale dhe ndërkombëtarisht të krahasueshme?

Fakulteti i Ekonomisë (FELU) është një ndër anëtarët më të mëdhenj të Universitetit të Lubjanës. I themeluar në vitin 1964, ka një tradite të gjërë në veprimtaritë e tij kyçe, arsimit dhe kërkimit shkencor. Është lider nacional dhe një Institucion i njohur ndërkombëtarisht në fushën e biznesit dhe ekonomisë. Për më tepër, është një shkollë e akredituar nga EQUIS dhe AACSB, dhe radhitet ndër 55 shkollat më të mira të biznesit në botë që kanë të dy akreditimet më të rëndësishme, atë - Amerikan dhe Evropian. Akreditimet janë shenjë dalluese e përsosmërisë në arsimin e menaxhimit dhe konfirmojnë angazhimin e FELU’s për kualitet dhe përmirësim të vazhdueshëm.

Një ndër faktorët vendimtar në ekonominë e sotme është inovacioni. Me qëllim që kompanitë, institucionet financiare, si dhe shtetet t’i zhvillojnë përparësitë konkurruese në fushën e administrimit dhe organizimit, nevojitet që të jenë sa më novator. Për më tepër, fitimi i diturive të specifike është i domosdoshëm, dhe kjo është arsyeja pse mësimi i vazhdueshëm është kaq i rëndësishëm. Burimet njerëzore të arsimuara luajnë një rol vendimtar në formimin dhe përdorimin efektiv të diturive konkurruese dhe ky është momenti kur FELU ju ndihmon. Ofron një gamë të gjërë të drejtimeve specifike, të dizenjuara për të përhapur teorinë në praktikë.

Mungesa e kohës në botën e sfidave dhe ndryshimeve rapide të ditës së sotme është një ndër pengesat më të mëdha ndërmjet menaxhuesve dhe të mësuarit të vazhdueshëm. Prandaj FELU ju ofron një mundësi për ta përshtatur arsimin ekzekutiv veçanërisht sipas nevojave dhe preferencave tuaja individuale.

Master në Menaxhim bankar dhe financiar

Master programi për menaxhim financiar, mbulon një sferë të gjerë të menaxhimit financiar të bizneseve, bankave dhe institucioneve tjera financiare, si dhe funksionimin e tregjeve financiare me perspektivë ndërkombëtare dhe instituticioneve financiare ndërkombëtare. Programi gjithashtu ofron dituri financiare për organizatat jofitimprurëse dhe sektorin publik. Përveç teorisë, theks i veçantë u jepet çështjeve praktike në fitimin dhe investimin e mjeteve ose të menaxhimit me para. Programi mbulon këtë sferë në tërësi dhe në të njëjtën kohë përzgjedhja e përshtatshme e drejtimeve dhe temës për tezë master ju mundëson studentëve të përqëndrohen në menaxhimin financiar të bizneseve, bankave, institucioneve tjera financiare, funksionimin e tregjeve financiare dhe institucioneve jofitimprurëse. Qëllimi i programit, i udhëhequr nga profesorë të shquar, është që t’u mundësojë studentëve, jo vetëm marrjen e një diplome master, por, gjithashtu edhe dituri të plotë dhe të zbatueshme në fushën e financave e cila është e kërkuar dhe e vlerësuar si në botën e biznesit ashtu edhe në sektorin publik.